Շախմատային խաղի ընթացքում հակառակորդներն անընդհատ սպառնալիքներ են ստեղծում միմյանց համար, և հարկավոր է ճիշտ գնահատել վտանգի չափը և նախապատրաստել պաշտպանություն՝ բարդություններից խուսափելու համար։
Այսօր կուսումնասիրենք մի քանի օրինակ, երբ խաղացողները կատարել են շատ տարածված սխալ՝ սպառնալիքների թերագնահատում և շարունակել են խաղը՝ առանց հաշվի առնելու հակառակորդի քայլերի հետևանքները, ինչը հանգեցրել է ցավալի արդյունքների։
Դիտարկենք հաջորդ օրինակը, որտեղ անգամ մոտ 2600 վարկանիշ ունեցող գրոսմայստերն է սխալ գնահատում դիրքի սպառնալիքները և ընտրում ոչ ապահով պարտվող մարտավարություն։
Այսպիսով, կարող ենք գալ այն եզրահանգմանը, որ կապ չունի ինչքան անհեթեթ է թվում հակառակորդի սպառնալիքը, պետք չէ թերագնահատել այն և աչքաթող անել։ Պրոֆիլակտիկ մտածելակերպը կարող է փրկել բազում վտանգներից։ Նախևառաջ Ձեզ հարց տվեք, ի՞նչ մտադրություն ունի հակառակորդը և եթե որևէ վտանգավոր սպառնալիք եք նկատում, փորձեք կանխել նրա մտադրությունները։ Սակայն պետք չէ նաև գերագնահատել հակառակորդի սպառնալիքները։ Այդ մասին կխոսենք մեր հաջորդ հոդվածում։