Ճիշտ մարտավարության մշակման 4 անհրաժեշտ քայլ
Ճիշտ մարտավարության մշակման 4 անհրաժեշտ քայլ
Պլանավորումը շատ կարևոր գաղափար է շախմատում: Ինչպես առօրյա կյանքում, այնպես էլ շախմատում պետք է իմանալ, թե ինչ անել խաղատախտակի վրա, ինչպես մշակել ճիշտ մարտավարություն։ Ոչ միայն սա. պետք է փորձել գտնել լավագույն լուծումը` ելնելով տվյալ դիրքի պահանջներից: Ընդհանուր առմամբ, մարտավարություն մշակելով` մենք փորձում ենք օգտվել դիրքի առավելություններից և նվազագույնի հասցնել թուլությունները: Որպեսզի այն հաջողությամբ պսակվի , անհրաժեշտ է վերլուծել դիրքը և գտնել ուժեղ և թույլ կողմերը, որոնք երկու հակառակորդների մոտ էլ առկա են: Ճիշտ մարտավարություն մշակելու գործընթացը հեշտացնելու համար կարող եք հետևել ստորև նշված քայլերին, որոնք կօգնեն նախ դիրքը ճիշտ գնահատել։
- Նյութական առավելություն: Սա առաջին և ամենաակնհայտ քայլն է, հատկապես, երբ վերլուծում եք մի դիրք, որը նախկինում երբևէ չեք տեսել: Նույնիսկ եթե դուք առավելություն ունեք, չի կարելի խաղալ ինչպես պատահի և առանց պլան մշակելու: Անհրաժեշտ է նոր մոտեցումներ փնտրել` այդ առավելությունները նյութականացնելու համար:
- Փնտրեք սպառնալիքներ և տակտիկական հարվածներ: Իհարկե, կարող եք երկար մարտավարություն մշակել, որը, գուցե, վերջում չարդարացնի իրեն, քանի որ դուք կարող էիք բաց թողած լինել հակառակորդի պատասխան հարվածը: Մյուս կողմից էլ, դիրքը կարող է ունենալ թաքնված հնարավորություններ, որոնք պետք չէ բաց թողնել։
- Գտեք դիրքային առավելություններն ու թուլությունները: Այստեղ դուք պետք է ուշադրություն դարձնեք արքայի դիրքին ու անվտանգությանը, կառուցվածքին, թույլ զինվորներին ու դաշտերին, խաղաքարերի համագործակցությանը, զարգացմանը և տարածքային առավելությանը, և այլն: Ինչպես նախորդ քայլերում, դուք պետք է գնահատեք նշված կետերը և՛ ձեր, և՛ ձեր հակառակորդի դիրքի համար:
- Թեկնածու քայլերի ցանկ կազմեք: Նախորդ քայլերի օգնությամբ գտնելով հնարավորություններն ու սպառնալիքները` այժմ կարող եք գտնել մի քանի քայլ, միտք, որոնք կօգնեն բարելավել ձեր դիրքը: Այս քայլերից անհրաժեշտ է ընտրել այն մեկը, որը լավագույնս նպատակահարմար է տվյալ դիրքում` ըստ հաշվարկների: Ճշգրիտ մարտավարություն մշակելիս` ձգտեք այնպես անել, որ ձեր քայլերով արգելափակեք հակառակորդի մտքերը: Այժմ կներկայացնենք մի քանի պարտիա, որ խաղացել են ուժեղ շախմատիստները, և կտեսնենք, թե ինչ տեխնիկաներ են գործածում նրանք` գտնելու լավագույն ծրագիրը տվյալ խաղի համար:
Յուրաքանչյուր տրամագրում աչքի անցկացրեք քայլերը և պլան մշակեք: Այնուհետև համեմատեք այն խաղում կատարած քայլերի հետ:
Սկեմբրիս, Ս.– Տորրե, Ե. Լյուզեմ, 1982
Խաղում են սևերը
Վերը նշված տրամագրում հեշտությամբ կարելի է նկատել, որ սևերի դիրքը նախապատվելի է. խաղաքարերն ավելի ակտիվ են և նրանց հաջողվել է սպիտակների թագուհուն պասիվ դիրքի բերել` արգելափակելով և պահելով b3 թույլ կետը հարձակման տակ: Սակայն պետք է ուշադիր խաղալ, քանի որ սպիտակների ռեսուրսները դեռևս հատած չեն: Գտե՞լ եք սպիտակների սպառնալիքը: Ուրեմն պետք է որ հեշտ լինի սևերի համար ճիշտ պլան գտնել:
Վերը նշված տրամագրում մի քանի կարևոր փաստ կա նշելու` սպիտակները e3 դաշտում թույլ զինվոր ունեն, որի վրա սևերը կարող են ճնշում գործադրել: Տեսականորեն նրանք ունեն ևս երկու թույլ կետ` e4 և c4 դաշտերը, բայց քանի որ սևերը չեն կարող հեշտությամբ օգտվել դրանցից, մենք չենք կարող հաստատել, որ դրանք թույլ կետեր են: Մյուս կողմից, սևերը c6 դաշտում թույլ զինվոր ունեն, ինչպես նաև մեկ այլ պոտենցիալ թույլ զինվոր a6 դաշտում և c5 թույլ դաշտը: Նրանք ունեն սև դաշտում գտնվող ուժեղ փիղ, սակայն c8 դաշտում գտնվող մյուս փղին զարգացնելիս խնդիրներ կարող են առաջանալ:
Այստեղ սևերի դիրքը մի քանի ուժեղ կողմ ունի. սևերը չունեն ոչ մի կարևոր թույլ կետ իրենց կառուցվածքում, մինչդեռ սպիտակներն ունեն երկու թույլ կետ` c3 զինվորը և c4 դաշտը: Սպիտակներն ունեն փղերի զույգ, սակայն d2 փիղը ուժեղ չի: Հայտնաբերելով այս ամենը` սպիտակների խաղը բնական է դառնում: Նրանք պետք է փոխանակեն d3 ակտիվ փղին և հասնեն ձին ընդդեմ փղի դիրքի: Ինչպես նաև, նրանք պետք է պահեն c3 թույլ զինվորին` այն արգելափակելով c4 դաշտում:
Ահա և ճիշտ մարտավարության կանոնները շախմատում։
