Մի՛ հանձնվեք։ Սա շատ լուրջ սխալ է, որը կատարում են բազմաթիվ խաղացողներ։ Ստանալով վատ դիրք՝ նրանք այլևս չեն պայքարում և թույլ են տալիս հակառակորդին հեշտությամբ հասնել հաղթանակի։ Փոխարենը պետք է պահել կամքի ուժը և աշխատել ստեղծել հնարավորինս շատ դժվարություններ հակառակորդի համար։ Լարել ծուղակներ և օգտվել հակառակորդի անգամ փոքր սխալներից, խուսափել պարզ տարբերակներից և, ինչու չէ, ստեղծել սխալվելու հնարավորություններ։ Այսօր կդիտարկենք օրինակներ, որտեղ խաղացողները չեն հանձնվել և, ի վերջո, հաջողության են հասել՝ օգտագործելով դիրքում ունեցած առավելությունները և հակառակորդների բացթողումները։
Առաջինը Գանգուլի-Շիրով խաղում սևերը որակ են կորցնում առանց որևէ փոխհատուցման, սակայն Շիրովը չի հանձնվում։ Օգտագործելով դիրքի բոլոր ռեսուրսները՝ նրան հաջողվում է շփոթության մեջ գցել հակառակորդին և հասնել հաջողության։ Մանրամասները՝ ստորև։
Տվյալ օրինակում սևերն ունեին որոշակի առավելություններ և թաքնված ռեսուրսներ, սակայն հաջորդ օրինակում իրավիճակն այլ է։ Սևերն ունեն լիովին պարտված դիրք և չունեն որևէ հակագրոհի հնարավորություն։ Այս դեպքում խաղը հնարավոր է փրկել միայն հակառակորդի սխալների օգնությամբ։ Սակայն պարզապես սպասել, որ հակառակորդը կսխալվի, հաջողության չի բերի։ Հարկավոր է խոչընդոտներ ստեղծել հակառակորդի դեմ և օգտվելով նրա սխալներից՝ քայլ առ քայլ ոչնչացնել առավելությունը։ Հաջորդ խաղը դրա վառ օրինակ է։
Հուսով եմ՝ այս օրինակները կփոխեն Ձեր պատկերացումները պարտված դիրքերում խաղալու վերաբերյալ և արդեն չեք կորցնի պայքարի ջիղն անգամ նման դեպքերում։ Ոչ ոք անսխալ չէ, և Ձեր հակառակորդն էլ բացառություն չէ։