Ֆիլիդորի հայտնի դիրքը
Ֆիլիդորի հայտնի դիրքը
Այս անգամ կծանոթանանք շատ կարևոր դիրքի հետ, որը կապված է նավակային վերջնախաղի հետ, որտեղ մի կողմն ունի Արքա, Նավակ և զինվոր, իսկ մյուսը՝ միայն Արքա և Նավակ։ Այս վերջնախաղը հայտնի է, որպես Ֆիլիդորի դիրք։ Հատուկ մարտավարության միջոցով թույլ կողմին հաջողվում է հասնել ոչ-ոքի արդյունքի։
Տրամագիր 1
Տրամագիր 1-ում սպիտակներն ունեն զինվորի առավելություն, սակայն, ինչպես նկատում ենք, սև արքան հսկում է զինվորի փոխարկման դաշտը։ Ոչ-ոքիի հասնելու մարտավարությունը հետևյալն է․ Նավակը հսկում է 6-րդ (3-րդ) հորիզոնականը՝ թույլ չտալով արքային մոտենալ դեպի փոխարկման դաշտ, մինչ զինվորը հասնում է դեպի 6-րդ (3-րդ) հորիզոնական և փակում նավակի ճանապարհը՝ արքայի համար ստեղծելով մոտենալու հնարավորություն։ Հենց այդ պահին Նավակը տեղափոխվում է դեպի 1-ին (8-րդ) հորիզոնական, որտեղից արքային անդադար հետապնդում է շախերով։
