Նախկինում արդեն խոսել ենք, թե ինչպես է պետք խաղալ պարտված դիրքում: Այսօր կխոսենք հաղթական դիրքի մասին: Շատ շախմատիստներ կարծում են, որ այդ հաղթած դիրքը հարատև է: Իրականում, նրանք շատ միամիտ են այդպես կարծելով. ըստ նրանց, եթե իրենք ունեն հաղթած դիրք այս պահին, ապա հաղթանակը իրենցն է: Սա իրական աշխարհ է, և ոչ մտացածին կատարյալ աշխարհ, որտեղ Փիղ և Ձի ընդդեմ Արքայի վերջնախաղը երաշխավորված հաղթանակ է: Եվ այսպիսով, իրական խաղում, հատկապես սիրողական մակարդակում, այս վերջնախաղը շատ հեռու է հաղթանակից: Ավելին, պարտված դիրք ունենալով հանդերձ` որոշ շախմատիստներ տանում են խաղը դեպի վերջնախաղ` հույս ունենալով, որ հակառակորդը չի կարողանա մատ հայտարարել երկու թեթև խաղաքարերով:
Սա վտանգավոր խաղ է` երբեմն պարտվում ես, երբեմն ոչ-ոքի արդյունք ունենում: Սակայն, պետք է պարզաբանում մտցնել. նույնիսկ հաղթած դիրքում հավանականություն կա պարտության կամ ոչ-ոքի արդյունքի: Բոլոր շախմատիստներն էլ գիտեն, որ ամենացավոտ բանը պարտությունն է:
Ինչպե՞ս եք դուք իրականում սահմանում հաղթած դիրքը կամ խաղը: Թագուհին ընդդեմ Նավակի վերջնախաղը տեսականորեն հաղթած վերջնախաղ է, քանի որ ուղիղ ձև կա նավակին շահելու կամ մատ հայտարարելու համար: Բայց, կարո՞ղ է արդյոք միջին մակարդակի շախմատիստը անել դա: Թույլ հակառակորդի դեմ, միգուցե, հնարավոր է, սակայն, ուժեղ շախմատիստի դեմ խաղալիս հավանականությունը փոքր է, իսկ համակարգչի դեմ խաղալիս` անհնար: Այսպիսով, հաղթած դիրքը ձեզ համար` որպես շախմատիստ, դիրք է, որ գիտեք, թե ինչպես խաղալ: Հետևաբար, եթե դուք չգիտեք , թե ինչպես մատ հայտարարել երկու թեթև խաղաքարերով, ուրեմն այդ դիրքը հաղթած չէ ձեզ համար` համաձայն մեր սահմանման:
Իրականում, ամեն ինչ ավելի քան բարդ է: Նույնիսկ, եթե դուք նշանակալի նյութական առավելություն ունեք, պետք չի մտածել, որ դուք արդեն հաղթել եք, կամ որ ձեր հակառակորդը պետք է հանձնվի: Նա կարող է զոհաբերել մի խաղաքար հակահարված ստեղծելու համար, ինչը կասկածի տակ կդնի ձեր հաղթած դիրքը: Նա ամեն քայլի կգնա, քանի որ ոչինչ չունի կորցնելու: Նա ծուղակներ կլարի ձեր դեմ, զոհաբերությունների կգնա, կօգտվի ամեն հնարավորթյունից, որպեսզի չպարտվի: Ամենակարևոր միտքը նախաձեռնությունը ձեր ձեռքում պահելն է, եթե ուզում եք խուսափել անցանկալի, տհաճ անակնկալներից, որ ձեր հակառակորդը կարող է մատուցել ձեզ: Մի՛ փորձեք ավելի շատ նյութական առավելություն ձեռք բերել, եթե արդեն իսկ առաջ եք: Փոխարենը փորձե՛ք վերահսկել դիրքը և մատ հայտարարել հակառակորդի արքային: Հիշե՛ք, որ խաղն ավարտված չէ, քանի դեռ հակառակորդին մատ հայտարարված չէ, կամ նա չի հանձնվել, կամ նրա ժամանակը չի սպառվել: Այս փուլում դուք ավելի ուշադիր խաղ պետք է ցուցաբերեք:
Ձեր հակառակորդը կփորձի բարդացնել խաղը ինչքան հնարավոր է շատ, որպեսզի շփոթեցնի ձեզ, որ դուք կորցնեք այն դիրքը, որում գիտեք, թե ինչպես գնալ դեպի հաղթանակ: Դուք պետք է խուսափեք բարդացումներից և փորձեք որքան հնարավոր է պարզ պահել դիրքերը: Սակայն չպետք է վախենաք բարդ դիրքեր խաղալուց, երբ տեսնում եք, որ այն հաղթական է ձեզ համար: Բայց հիշե՛ք, որ անհրաժեշտ է կրկնակի ստուգել քայլերը, որպեսզի ձեռքից բաց չթողնեք այդ հնարավորությունը:
Ամենավտանգավոր մոտեցումն այն է, երբ մտածում եք, թե ձեր դիրքն այնքան լավն է, որ այն ինքն իրեն ձեզ հաղթանակ կբերի: Հիշե՛ք, որ երբ շախմատիստը հաղթած դիրք է ձեռք բերում, նա հուզվում է մի պահ և թուլանում: Սա շախմատ խաղալու ամենավտանգավոր պահն է: Ահա այս պահին են ի հայտ գալիս հիմնական սխալները: Միաժամանակ, ձեր հակառակորդը, ով րոպե առաջ կարող էր պարտվել, ակտիվացնում է իր կարողությունները և վերադառնում խաղ` նյութական ձեռքբերում ունենալով: Հետևե՛ք այս հին ասացվածքին` «հաղթած դիրքում հաղթանակ տանելն ամենադժվար բանն է»: Կենտրոնացե՛ք և ձե՛ռք բերեք այդ արժանի հաղթանակը: