Մատ երկու փղով
Մատ երկու փղով
Այսօր քեզ համար բավականին բարդ խնդիր ունենք լուծելու՝ սովորելու ենք մատ անել երկու փղով։ Ինչու՞ երկու և ոչ մեկ։ Մեկ փիղն անգամ խաղատախտակի անկյունում չի կարող հակառակորդի մատ հայտարարել։ Արքան հեշտությամբ խաբում է փղին։ Նա դուրս է գալիս փղի գույնին հակառակ գույնի վանդակների վրա։
Քանի որ մեկ փիղը չի կարող սահմանափակել Արքային, իսկ Արքան մեկ փղի հետ չի կարող մատի հասնել, ապա պարզ է, որ երկու փղերը և Արքան պետք է աշխատեն միասին։
Շախմատային պլան – ինչպես մատ անել երկու փղով
Ա․ Ստեղծել փղերի հարվածների ցանց
Փղերն իրենց առաջին երկու քայլով ստեղծեցին ցանց, որը սև Արքան (ոսկե ձկնիկը) չի կարող քանդել․
- փc1 – d2 Աe5 – f5
- փf1 – e2 Աf5 – e4
- Աe1 – f2 Աe4 – d4
Փղերին մոտենում է սպիտակ Արքան և բոլոր երեք ֆիգուրները կանգնում են միասին մեկ շարքով։
Բ․ Երկու փղերը պետք է շարժվեն միասին։ Տեսե՞լ եք, թե ինչպես են աղջիկները մազերը հյուսում։ Փղերի շարժվելը նման է մազերի հյուսքին։
Փղերը քայլում են «d» և «e» ուղղահայացներով մինչև հասնեն d6 և e6։ Սպիտակների Արքան օգնում է փղերին «f» ուղղահայացով։
Ինչի՞ համար է հյուսքը․ որպեսզի ոսկե ձկնիկին ափ հանենք։ Նայեք թե ինչպես են աշխատել փղերը Արքայի ենթակայության տակ։
Առաջ պետք է գնա ձկնորսը՝ Արքան։ 4. Աf2–f3! Վատ է։ 4. փe2–d3? Աd4:d3 և հյուսքը չի ստացվի․ 4. փd2–е3 Աd4–с3 և ձկնիկը դուրս կգա ցանցի միջից։
Ինչպե՞ս չսխալվել։ Եթե սևերի Արքան ձախից է, ապա առաջ ենք քայլում մեր՝ աջ կողմում գտնվող Արքայով։ Եթե սև Արքան աջ կողմում է կամ կենտրոնում, ապա առաջ ենք քայլում ձախ կողմում գտնվեղ փղով։ Հասկացա՞ք՝ ով երբ է առաջ գնալու։
4. Աf2 – f3! Աd4 – d5
Սևերի Արքան ստիպված է լինելու հետ գնալ։
5. փd2 – e3 Աd5 – d6
Փղերին պետք է խնամքով շարժել, <<հյուսքը>> չպետք է աղավաղվի։ Սխալ կլինի 5. փе2–d3? Աd5–d4 և սևերի Արքան կհարձակվի անպաշտպան փղերի վրա։ Սարսափելի բան չկա, բայց ստիպված ենք լինելու հետ գնալ ու ժամանակ կորցնել։
6. փе2 – d3 Աd6 – e5
Արքան համարձակ ձևով դիմացավ մեր եռյակի դեմ։ Քանի որ նա համարձակ է, մենք նույնպես համարձակ ենք։ Արքայի օգնությունից օգտվելով՝ փիղը համարձակ գնում է առաջ, և սևերի Արքան ստիպված է լինում հետ գնալ։
7. փd3–e4 Աe5–d6
8. Աf3–f4 Աd6–e6
9. Փe3–d4 Աd6–e6
Ֆիգուրները շարք կազմեցին 4-րդ հորիզոնականի վրա։
10. փd4–e5 Աe6–e7 11. փe4–d5 Աe7–d7 12. Աf4–f5 Աd7–e7 13. փd5–e6 Աe7–d8 14. փe5–d6 Աd8–e8 15. Աf5–f6 Աe8–е8(d8)
Գ․ Փղերը հյուսքը հյուսեցին․ պլանի 2-րդ մասն իրագործված է
Այժմ ուշադրություն դարձրեք, թե որտեղ հայտնվեց Արքան։ Նա գտնվում է կամ d8-ում կամ e8-ում։ Գլխավորն այն է, որ ճիշտ ժամանակին կանգ առնենք և 16. փd6–e7??-ից հետո չշարունակենք հյուսքը, քանի որ պատ կստանանք (եթե Արքան е8-ում է) կամ Արքան հենց ափից միանգամից կցատկի ծովը (Աpd8–c7) և ստիպված կլինենք նորից ցանցը նետել։
Հիմա պլանի ամենավերջին մասը․
Դ․ Միջանցք Արքայի համար
Սպիտակների խնդիրը կայանում է նրանում, որ սևերի Արքային տանեն անկյուն։
Փորձենք նրան հեռացնել մեր Արքային ամենամոտ գտնվող անկյունը։ Փղերը հերթականությամբ դաշտ առ դաշտ վերցնում են սևերի Արքայի մոտից։ Հինգ դաշտեր, որոնք անհրաժեշտ է վերցնել Արքայից, պատկերված խաղատախտակի վրա նշված են աստղանիշերով։ с7 դաշտն արդեն փիղը վերցրել է Արքայից։
16. փd6 – c7! Աe8 – f8
Եթե չի կարելի փղով մի քայլով գնալ с7, ապա գնա երկու քայլով․
16. փd6–b8(e5) Աd8–e8
17. փb8–c7 Աe8–f8.
17. փe6 – d7 Աf8 – g8
Սևերի Արքան փորձում է շրջանցել սպիտակների Արքային, սակայն սպիտակների Արքան նրա ճանապարհը փակում է։
18. Աf6–g6! (հայելի) Աg8–f8 19. փс7–d6+ Աf8–g8 20. փd7–e6+ Աg8–h8 21. փd6–e5X մատ։
