Զինվորի զոհաբերությունը բավականին քիչ նյութական արժեք է ներառում, հետևաբար զինվորը կարելի է զիջել ավելի փոքր դիրքային փոխհատուցման համար՝ օրինակ, առաջընթացը զարգացման մեջ կամ հակառակորդի զինվորային կառուցվածքի խախտումը։
Առաջին օրինակում Կրիվորուչկո-Սմիրին խաղում սպիտակները հանգիստ դիրքային խաղի փոխարեն սկզբնախաղում դիմում են զինվորի դիրքային զոհաբերության, որի շնորհիվ սևերի թագուհուն հեռացնում են դեպի աննպաստ դիրք։ Միաժամանակ, սևերի արքան մնում է կենտրոնում, ինչի շնորհիվ սպիտակները գրոհի մեծ հնարավորություններ են ստանում։
Կրիվորուչկո-Սմիրին
Զինվորի դիրքային զոհաբերությունը միշտ չէ, որ միանգամից որոշում է խաղի ընթացքը։ Հաջորդ՝ Սո-Նավարա խաղում սպիտակները զինվորի դիրքային զոհաբերության շնորհիվ ջախջախում են սևերի զինվորային կառուցվածքը՝ ստանալով երկարաժամկետ դիրքային առավելություն, որն իրացնում են 20 քայլում։
Սո-Նավարա
Դիմելով զինվորի զոհաբերության՝ այդքան էլ մեծ գին չեք վճարում, այնպես որ, անգամ եթե այն սխալ լինի, իրավիճակը հնարավոր կլինի շտկել։