Սկսում ենք կենտրոնական զինվորների տիպիկ կառուցվածքների ուսումնասիրությունը։ Ամենապարզը այն դեպքն է, երբ d և e ուղղաձիգները զուրկ են զինվորներից, դա կոչվում է բաց կենտրոն։ Այս դեպքում, եթե 2 կողմերն էլ կարողանան զարգացնել խաղաքարերը և բերել նավակները դեպի բաց ուղղաձիգներ, խաղը, ամենայն հավանականությամբ, կընթանա բազմաթիվ փոխանակություններով և կավարտվի ոչ-ոքի։ Սակայն, երբ մի կողմն ունի առավելություն զարգացման մեջ, բաց կենտրոնը նրան բազմաթիվ հնարավորություններ կտա սպառնալիքներ ստեղծելու համար։
Առաջին օրինակում Մամեդյարով-Թոփալով խաղում սևերը բացում են կենտրոնը, սակայն, բավականին հետ մնալով զարգացման մեջ, դժվարությունների առաջ են կանգնում։
Երկրորդ օրինակում Կարյակին-Գելֆանդ խաղում սպիտակներն ունեին 2 փղի առավելություն, ինչը բաց դիրքում բավականին արժեքավոր ռեսուրս է, սակայն Գելֆանդը ճշգրիտ խաղի շնորհիվ կարողանում է զրոյացնել սպիտակների նախաձեռնությունը և հասնել ոչ-ոքիի։
Վերջին օրինակը կարող է բավականին պարզ թվալ` առանց շլացուցիչ զոհաբերությունների, սակայն նման խաղով սևերին հաջողվեց շահել կես միավոր։ Այսպիսի օրինակների ուսումնասիրումը կնպաստի ավելի արդյունավետ խաղի, և դուք այլևս չեք կորցնի միավորներ, եթե անգամ հակառակորդն ի սկզբանե ավելի բարենպաստ դիրք ձեռք բերի։