Մի վախեցեք չփոխատեղված արքայից - ChessSchool

Մի վախեցեք չփոխատեղված արքայից

Մի վախեցեք չփոխատեղված արքայից

Բազմաթիվ խաղացողներ, կորցնելով տեղափոխվելու հնարավորությունը, խուճապի են մատնվում։ Իհարկե, խոսքը չի գնում տրամագիր 1-ում ներկայացված դիրքին և նմանատիպ իրավիճակներին, երբ արքան կորցրել է փոխատեղման իրավունքը սկզբնախաղային ծուղակի պատճառով։ 

Տրամագիր 1

Այս դիրքում սևերը մեծ վտանգի մեջ են, չնայած, որ սպիտակները չունեն անմիջական սպառնալիքներ։ Այսպիսի դիրքերում գլխավոր գործոնն այն է, թե քանի ակտիվ խաղաքարեր ունեն հարձակվող և պաշտպանվող կողմերը։ Դա հաշվի առնելով՝ սպիտակներն ունեն հաղթած դիրք, քանի որ սևերին չի հաջողվում խաղի մեջ մտցնել իրենց խաղաքարերը։

Բայց եկեք համեմատենք առաջին տրամագիրը երկրորդի հետ։ 

Տրամագիր 2 

Այս դիրքում սպիտակները միանգամից խաղացին 19․Փհ5+՝ սև արքային զրկելով փոխատեղման իրավունքից։ Սակայն քայլը կատարելուց առաջ սպիտակները պետք է նախ իրենց հարց տային, թե ում օգտին է այս քայլը։ Սևերը պլանավորում են փիղը տեղադրել a6-ում, իսկ հ8-ի նավակը b8-ում։ Եթե խորը մտածենք, արքան e7-ում ավելի ապահով դիրքում է, քան g8-ում, և, հավանաբար, սևերը արքան կտեղադրեին հենց e7-ում։ Այսինքն, սպիտակները քայլ կորցրեցին, մինչդեռ սևերը ժամանակ շահեցին՝ բարելավելով արքայի դիրքը և արագացնելով իրենց պլանների իրականացումը։ Սպիտակները պետք է միանգամից խաղային 19․Փf3: Այժմ խաղն արագ ավարտ է ունենում։

Այսուհետ, երբ հնարավորություն ունենաք զրկել հակառակորդին փոխատեղման իրավունքից կամ, երբ հակառակորդը կարող է Ձեզ զրկել այդ հնարավորությունից, նախ պարզեք, թե դրանից ով է շահում, նոր իրականացրեք կամ շտապեք պաշտպանվել այդ սպառնալիքից։ 




Նմանատիպ դասեր