Շարունակում ենք ծանոթանալ ամենահայտնի զոհաբերություններին։ Եվ այսօր կուսումնասիրենք պաշտոնապես աշխարհի առաջին չեմպիոնի՝ Վիլհելմ Ստեյնիցի ամենահայտնի զոհաբերությանը, որը տեղի է ունեցել Կուրտ վոն Բարդելեբենի հետ խաղի ժամանակ 1985 թվականին։ Այդ ժամանակ Ստեյնիցը նոր էր զիջել իր տիտղոսը Էմմանուել Լասկերին։ Սակայն այս խաղով նա ցուցադրեց իր հզորությունը՝ ջախջախիչ հաղթանակ տանելով հակառակորդի նկատմամբ։ Ստեյնիցն այս խաղը համարում էր լավագույնն իր շախմատային կարիերայում։ Հաստինգսի մրցաշարի հանձնաժողովը նույնպես բարձր գնահատեց տվյալ խաղը՝ այն անվանելով չափազանց արտիստիկ և գեղեցիկ, ինչպես նաև փայլուն, և Ստեյնիցը որպես մրցանակ ստացավ 5 ֆունտ ստեռլինգ։
Բազմաթիվ հեղինակներ ընտրում են այս պարտիան՝ ցուցադրելու, թե ինչպես պետք է խաղալ, երբ հակառակորդի արքան կենտրոնում է։ Եկեք դիտենք Ստեյնիցի հիասքանչ զոհաբերությունը, որը մինչ օրս նմանատիպ դիրքերում փայլուն մարտավարության օրինակ է ծառայում։
Այս խաղը տեղի է ունեցել Հաստինգսի մրցաշարի ժամանակ, որտեղ Բարդելեբենն ուներ 9 անընդմեջ հաղթանակ։ Միգուցե դա էր պատճառը, որ նա այդքան ցավագին ընդունեց այս պարտությունը և պարզապես հեռացավ խաղասրահից՝ չդիմանալով ճնշմանը։ Ամեն դեպքում, պետք է պահպանել էթիկայի կանոնները և արժանապատվորեն ընդունել պարտությունը։Իսկ դու՞ք ինչ կարծիքի եք։