Կախված զինվորներ․ ի՞նչ է դա նշանակում
Կախված զինվորներ․ ի՞նչ է դա նշանակում
Ինչպես գիտենք, կախված զինվորները հանդիսանում են զույգ զինվորների կղզյակ, որոնք գտնվում են կիսաբաց ուղղաձիգներում։
Տրամագիր 1
Տրամագիր 1-ում սպիտակներն ունեն կախված c4 և d4 զինվոր։ Նախ դիտարկենք կախված զինվորների ուժեղ կողմերը։ Այս զինվորների շնորհիվ սպիտակները տարածքային առավելություն են ստանում և վերահսկում են կարևոր կենտրոնական դաշտերը։ Սա, բնականաբար, կօգնի նվազեցնել մրցակցի խաղաքարերի շարժունակությունը։ Ճիշտ պահին զինվորներից մեկը կարող է առաջ շարժվել՝ ավելի ճնշելով սևերին կամ ստեղծելով անցունակ զինվոր։
Այժմ անդրադառնանք կախված զինվորների թերություններին։ Նրանք խոցելի են, քանի որ գտնվում են կիսաբաց ուղղաձիգներում և չեն կարող պաշտպանվել հարևան զինվորների կողմից։ Մրցակիցը կարող է ուժեղացնել ճնշումը զինվորների վրա՝ տեղադրելով նավակները բաց c և d ուղղաձիգներում։ Սևերը կարող են նաև հարձակվել զինվորների վրա ․․․b5 և ․․․e5 քայլերով։ Ցանկացած պատասխան քայլ կստեղծի թուլություններ․ մի զինվորի առաջխաղացումը մյուս զինվորին կվերածի հետ մնացած զինվորի, ինչպես նաև կստեղծի հենակետային դաշտեր մրցակցի խաղաքարերի համար։ Օրինակ d4-d5 առաջխաղացումից հետո c4 զինվորը կդառնա հետ մնացած, իսկ c5-ը՝ հենակետային դաշտ սևերի համար։
Դիտարկենք մի քանի օրինակ, որոնցում հստակ արտահայտվում են կախված զինվորների ուժեղ և թույլ կողմերը։
Առաջին օրինակում Անդերսոն-Շորտ պարտիայում սևերը, ունենալով կախված զինվորներ, հրաշալիորեն օգտագործում են նրանց հարձակվողական պոտենցիալը։
Անդերսոն-Շորտ
Վոյտկիևիչ-Բենջամին
Վոյտկիևիչ-Բենջամին պարտիայում իրավիճակն այլ է․ այստեղ դիրքը պարզեցված է և հստակ արտահայտվում է կախված զինվորների թուլությունը: Սևերը չունեն տարածքային խնդիր և նրանց փղերն ավելի ակտիվ դիրքերում են, քան սպիտակ փղերը։
