Ի՞նչ անել, երբ չի հաջողվում լավ մարտավարություն մշակել - ChessSchool

Ի՞նչ անել, երբ չի հաջողվում լավ մարտավարություն մշակել

Ի՞նչ անել, երբ չի հաջողվում լավ մարտավարություն մշակել

Ցանկացած խաղացողի մոտ լինում են դեպքեր, երբ խաղի ընթացքում ինչ-որ պատճառներով չի հաջողվում լավ մարտավարություն մշակել։ Այսպիսի անորոշության արդյունքում առաջանում է ժամանակի խնդիր, ինչի հետևանքով ընտրվում են սխալ քայլեր, որոնք միայն վատացնում են դիրքը։ 

Այսպիսի դժվարության հիմնական պատճառը դիրքի սխալ գնահատումն է․ Ձեզ կարող է թվալ, թե առավելությունը Ձեր կողմն է, սակայն չհաջողվի գտնել այն մեծացնելու կամ օգտագործելու տարբերակ։ Խնդիրը կարող է լինել այն, որ իրականում առավելություն չկա, հետևաբար պետք է նվազեցնել սպասելիքները և գործել դիրքին համապատասխան։ Մեծ առավելության ձգտելու փոխարեն հարկավոր է գտնել տարբերակ՝ թեթևակի առավելության հասնելու համար։ Այս ամենի հիմքում ըննկած է մարդկային հոգեբանությունը․ դժվար է ընդունել, որ այլևս չեք տիրապետում որևէ առավելության և փոխել ռազմավարությունը, երբ ընդամենը մի քանի քայլ առաջ Ձեր դիրքն ավելի լավ էր։ 

Ակտիվ խաղի սիրահարները դժվարությամբ են ընդունում պասիվ դիրքերը, քանի որ միշտ ձգտում են գտնել որևէ մարտավարություն՝ դիրքը բարելավելու համար։ Անբարենպաստ դիրքերում, հավանաբար, այս ռազմավարությունը կարող է հանգեցնել թուլությունների առաջացման։

Այդ դեպքում ինչպե՞ս վարվել նման դեպքերում։ 

Կարևոր է փոխել ռազմավարությունը, հաշվի առնել հակառակորդի հնարավորությունները և փորձել դրանց դեմ հակախաղ գտնել։

Դիտարկենք Յուսուպով-Նանն պարտիան։

Յուսուպով-Նանն

Նովի Սադ օլիմպիադա, 1990թ․

Այստեղ սպիտակներն ունեն թեթևակի առավելություն՝ թեթև խաղաքարերի բարենպաստ դիրքավորման շնորհիվ։ Մինչդեռ սևերի d7-ի փիղը սահմանափակված է e6 և d5 զինվորներով։ Միաժամանակ, սևերն ունեն ամուր դիրք։ Պարզ է, որ որևէ ակտիվ շարունակությունը միայն ավելի կթուլացնի նրանց դիրքը, հետևաբար նրանք պետք է մտածեն սպիտակների սպառնալիքների և հնարավորությունների մասին։ 

Տվյալ դիրքում սպիտակներն ունեն անմիջական սպառնալիք՝ Ձxc6, այնուհետև Ձxd5՝ օգտագործելով անպաշտպան թագուհու դիրքը և շահելով զինվոր։ Այս սպառնալիքից պաշտպանվելու տարբերակը ձիերի փոխանակությունն է e5 դաշտում։ Մանրամասները՝ ստորև։




Նմանատիպ դասեր