«Բոլոր թեկնածու քայլերը պետք է նախօրոք հայտնաբերվեն և ցուցակագրվեն ուղեղում։ Չի կարելի հատ առ հատ քայլերը դիտարկել, այնուհետև անցնել մյուս թեկնածու քայլին։» Ալեքսանդր Կոտով
Շատ տարիներ առաջ Ալեքսանդր Կոտովը, ընդամենը առաջին կարգային շախմատիստ, մշակեց հաշվարկներ իրականացնելու յուրահատուկ մեթոդ, որով հասավ մեծ հաջողության։ Նա դարձավ գրոսմայստեր և կիսվեց իր հաջողության բանաձևով բոլորի հետ իր հայտնի՝ «Մտածիր ինչպես գրոսմայստերը» գրքում։
Դիտարկենք մի խաղ, որը ցույց է տալիս թեկնածու քայլերի կարևորությունը խաղի ընթացքում։
Դվորեցկի-Շուսլեր
Այս խաղում Դվորեցկին բավականին շատ ժամանակ ծախսեց Փxh7+ քայլի վրա, ինչը բնական է, քանի որ բոլորն էլ ցանկանում են իրականացնել տակտիկական հնարքներ և հասնել արագ հաջողության։ Բայց նրա սխալը կայանում էր նրանում, որ մեկ անգամ հաշվարկելուց հետո, նա չէր համակերպվում այդ քայլի սխալ լինելու հետ և կրկին վերադառնում էր դրա հաշվարկներին՝ բաց թողնելով մյուս հնարավորությունները։ Նման դեպքերում անհրաժեշտ է կանգնեցնել հաշվարկները և կազմել թեկնածու քայլերի ցուցակ։Այս մեթոդը հնարավորություն կտա ավելի հեշտ գտնել դիրքին համապատասխան քայլը և բավականին շատ ժամանակ խնայել։
Հուսով եմ այսուհետ կօգտվեք այս փորձված մեթոդից և չեք կենտրոնացնի Ձեր ուշադրությունը միայն մեկ քայլի վրա՝ աչքաթող անելով ավելի լավ հնարավորությունները։