Փակ սիցիլիականի զինվորային ձևավորում
Փակ սիցիլիականի զինվորային ձևավորում
Սիցիլիական պաշտպանությունը սևերի համար ամենաընդունված ընտրություններից մեկն է: Չնայած, որ շատ շախմատիստներ նախընտրում են բացել կենտրոնը 2. Ձf3, այնուհետև 3. d4, այս սկզբնախաղի փակ տարբերակը չպետք է անտեսվի: Այն շատ լավ զենք է, երբ չեք ցանկանում շատ տեսական նյութեր սովորել, քանի որ այն կարող է տանել շատ սուր խաղի: Վատ դիրքից խուսափելու համար սևերը պետք է կարողանան լավագույն հակահարվածը գտնել:
Այսօրվա նյութը ամենևին էլ չի ներառում տեսական քննարկում, այլ նպատակ ունի առաջնորդել ձեզ այս փակ կառույցի հիմնական գաղափարներով և մտքերով` և՛ սևերի, և՛ սպիտակների համար: Հասկանալով այս դիրքի բնորոշ հատկանիշները` հաջորդ անգամ կկարողանաք գտնել քայլերի ճիշտ հերթականությունը, երբ բախվեք փակ սիցիլիականի հետ:
Մտքեր սպիտակների համար`
- Հարձակվե՛ք արքայական թևի վրա: Այս նպատակին սովորաբար կարելի է հասնել` խաղալով f2-f4 և հետո կամ f5, կամ g4, որին կհաջորդի f5: Երբեմն սպիտակները նույնիսկ ժամանակ չեն վատնում փոխատեղման վրա` հարձակում սկսելու համար: Օրինակ, երբ սևերը զարգացնում են իրենց սև դաշտի փղին g7 քայլով և արագ կարճ փոխատեղում կատարում, սպիտակները կարող են խաղալ Փe3 և Թd2, որին կհաջորդի Փh6 և h4-h5: Եթե սևերը չգիտեն, թե ինչպես արձագանքել, այս միտքը կարող է բավականին վտանգավոր լինել;
- Վերահսկում կենտրոնում: Այս դեպքում, սպիտակները փորձում են տարածություն ձեռք բերել և դեպի հետ դրդել սևերի խաղաքարերին` խաղալով c2-c3, որին կհաջորդի by d3-d4: c ուղղաձիգը բացելուց հետո` սպիտակներն առաջ են տանում մեկ այլ միտք` նավակներով ներխուժել սևերի տարածք:
Ինչպես տեսանք, սպիտակները ձգտում են տարածվել արքայական թևում և կենտրոնում: Իր հակառակորդի ակտիվության դեմ պայքարելու համար սևերը պետք է հակահարված մշակեն թագուհու թևում:
Մտքեր սևերի համար`
- Հակահարված թագուհու թևում: b5-b4 քայլը սևերով խաղացողի համար տիպիկ քայլ է: Հիմնական նպատակն է անկյունում թուլություն ստեղծել` սպիտակներին անհանգստություն պատճառելով և թույլ չտալով նրանց իրականացնել իրենց ծրագրերը:
- Ակտիվացնել g7 սև դաշտի փղին: Սա երկրորդ նպատակն է: Երբ այս փիղը մտնում է խաղի մեջ, սևերի հարձակումը ավելի մեծ ազդեցություն է ունենում:
Մտապահելով վերը նշված գաղափարները` եկե՛ք այժմ տեսնենք, թե ինչպես են գրոսմայստերները իրականացնում դրանք պրակտիկայում:
Եկե՛ք սկսենք աշխարհի նախկին չեմպիոն Բորիս Սպասսկու խաղով, ով հաճախ էր խաղում փակ սիցիլիական, երբ խաղում էր սպիտակ խաղաքարերով: Այստեղ նույնպես, խաղալով Վլաստիմիլ Հորտի դեմ, նա կիրառում է տիպիկ ծրագիր` տարածվել արքայի թևում f2-f4 քայլով, որին կհաջորդի g2-g4 և f5, բայց միաժամանակ փորձում է սահմանափակել սևերի ակտիվությունը կենտրոնում և թագուհու թևում:
Երկրորդ խաղը շատ լավ օրինակ է, թե ինչպես են սպիտակները հարձակում սկսում սևերի արքայի դեմ: Մայքլ Ադամսը Փակ սիցիլիականի մասնագետներից մեկն է և շատ մտքեր է փորձարկել այստեղ:
Ուարդի դեմ խաղում նա ընտրեց Փe3 տարբերակը, որտեղ սպիտակները փորձում են օգտվել սևերի` առաջինը փոխատեղում իրականացնելու որոշումից: Դասական քայլ է Թd2-ը և սևերի g7 դաշտի փղի փոխանակումը, այնուհետև` հարձակում h ուղղաձիգի վրա:
Վերջին խաղում կտեսնենք, թե ինչպես սպիտակները կվարվեն այս սկզբնախաղում և ինչպես կարելի է հասնել հակահարվածի թագուհու թևում: Այս օրինակում սևերով խաղացել է չեխ շախմատիստ Դավիդ Նավարան, ով առանց տեմպ կորցնելու անմիջապես առաջ է տանում իր b7 զինվորը դեպի b4` կյանք հաղորդելով իր սևադաշտ փղին:
