Մենք բոլորս էլ սիրում ենք շախմատը: Ոմանք այն սիրում են, քանի որ այն ունի անսահման հնարավորություններ, որ նույնսիկ համակարգիչը չի կարող հաշվել: Մյուսներնը սիրում են շախմատը նրա մրցունակության համար: Եվ, վերջապես, ոմանք էլ սիրում են այն, քանի որ վերջինիս համար որոշիչ է հմտությունը, և ոչ բախտը:
Եկեք ներկայացնենք այն հիմնական 11 սխալը, որ թույլ են տալիս շախմատիստները:
11. Շախմատ խաղալ` մրցանակային գումար շահելու համար
Հաճախ են հանդիպում այնպիսի շախմատիստներ, ովքեր կարծում են, թե կարող են ընդհամենը 4 ժամ հատկացնել շախմատին, հայտնվել մեծ բաց առաջնությունում և հաղթել $10,000: Սա թյուր կարծիք է այն պարզ պատճառով, որ անհնար է հաջողություն ունենալ ինչ-որ շախմատային առաջնությունում առանց շախմատով տարվելու, առանց ժամեր շարունակ ուսումնասիրելու այն և խաղալու: Մեծ մրցանակային գումար առաջարկող առաջնություններն ավելի քան մրցունակ են: Մի՛ վարվեք այսպես, եթե չեք ցանկանում հիասթափություն ապրել վերջում: Գումարը չպետք է շարժառիթ լինի ոչ մի ասպարեզում, հատկապես շախմատում:
10. Դադարել շախմատ խաղալը պարտությունից հետո
Այնքան էլ լավ սովորություն չէ ինչ-որ բանից հետ կանգնելը (բացառությամբ ծխելը, թմրանյութը և այլն) մեկ անգամ ձախողման պատճառով: Բոլոր շախմատիստներն էլ, անկախ իրենց մակարդակից, պարտվել են: Սա բավականին նորմալ երևույթ է: Եթե նրանք էլ հետ կանգնեին, մենք այսօր չեինք ունենա Ֆիշեր,
Կասպարով, Կարլսեն և ուրիշներ: Շախմատում պարտությունը պետք է ազդանշան լինի Ձեզ համար, որ անհրաժեշտ է ավելի շատ աշխատել: Այն պետք է շարժառիթ հանդիսանա Ձեզ համար ավելի շատ աշխատելու և ավելի լավ խաղալու հաջորդ խաղերում: Եթե պարտությունը դիտարկեք այս տեսանկյունից, Դուք հաջողություն կունենաք:
9.Լարվել խաղի պատճառով
Որոշ շախմատիստներ չափազանց շատ են լարվում խաղից առաջ կամ հետո, ինչը բացասական և բավականին կործանիչ գործոն է Ձեր մտքերի և տրամաբանական մտածողության համար: Լարված վիճակում Դուք ավելի շատ ժամանակ կվատնեք տարբերակների ստուգման վրա և ի վիճակի չեք լինի ամբողջությամբ կենտրոնանալ տվյալ դիրքի վրա: Բարձր մակարդակի խաղ ցուցադրելու համար, անհրաժեշտ է մոռանալ արդյունքի մասին և պարզապես վայելել Ձեր խաղը: Եթե լուրջ առաջնություններում Դուք խաղաք այն նույն հանգստությամբ, ինչ և ընկերների հետ խաղալիս, ապա կթուլացնեք Ձեր նյարդերը և ավելի լավ արդյունք կունենաք:
8. Մեղադրել ինչ-որ մեկին ձեր ձախողումների համար
Շախմատում հաջողության հասնելու համար անհրաժեշտ է ազնիվ լինել ինքներդ Ձեզ հետ և ամբողջական պատասխանատվություն ստանձնել Ձեր քայլերի համար: Սա նշանակում է, որ երբ պարտվում եք, չպետք է մտածեք` «ես պարտվեցի 20-րդ քայլում այն հիմար սխալի պատճառով» կամ «ես բավականին չէի քնել, այդ իսկ պատճառով չկարողացա կենտրոնանալ» և այլն: Գտնելով Ձեր պարտության հիմնական պատճառը,Դուք շատ ավելին ձեռք կբերեք, քան, որ առաջ բերեք ինչ-որ անհիմն արդարացումներ:
7. Ձեր սեփական սխալներից դաս չքաղելը
Իհարկե, շատ լավ կլիներ, եթե կարողանայինք դաս քաղել այլոց սխալներից: Ցավոք, այս մոտեցումը չի գործում շախմատում: Հիմնականում, մենք պետք է պարտվենք մեկ կամ երկու խաղ, որպեսզի զգուշանանք որոշ վտանգներից: Դուք շատ ավելի լավ կհասկանաք Ձեր սխալները, եթե ինքներդ թույլ տաք դրանք:
6. Շախմատը ամենից վեր դասելը
Որոշ մարդիկ այնքան շատ են տարվում շախմատով, որ մոռանում են ամեն ինչի մասին` աշխատանք, ընտանիք, պարտականություններ, առողջություն և այլն: Իհարկե, շատ կարևոր է շախմատային կարիերայի համար ամբողջությամբ կենտրոնանալ շախմատի վրա: Բայց ուշադիր եղեք. կարող եք կորցնել Ձեր շարժառիթը և սպառվել: Լավագույն ռազմավարությունը շախմատ ուսումնասիրելն է փոքր պատառներով, սակայն երկարատև ժամանակահատվածում: Հիշե՛ք, որ շախմատը մարաթոն է, և ոչ սպրինտ:
5. Բավականին շատ ժամանակ հատկացնել այնպիսի գիտելիքների վրա, որոնք երբևիցե չեք կիրառի իրական խաղում
Ճիշտ է այն մոտեցումը, որ ինչքան շատ ուսումնասիրեք շախմատը, այնքան ավելի լավ կխաղաք: Բայց անհրաժեշտ է ճիշտ բաներ սովորել: Օրինակ, շախմատի պատմության մասին կարդալը $եզ չի օգնի հետագա 1.d4 խաղի ժամանակ: Սիցիլիական պաշտպանության 25 տարբերակները մտապահելը Ձեզ չեն օգնի, օրինակ, եթե $եր հակառակորդը խաղա թագուհու գամբիտ: Եթե այդ ժամանակի գոնե քառորդ մասը հատկացնեք ուսումնասիրելու տարբեր տակտիկաներ, աշխատելու վերջնախաղերի վրա և վերլուծելու Ձեր սեփական խաղերը, Դուք շատ ավելի արագ հաջողության կհասնեք:
4. Ձեռք բերել շախմատային շատ գրքեր, սակայն երբեք չկարդալ դրանք
Շախմատի մասին գրքերը բավականին շատ գիտելիք կարող են տալ , սակայն սա իրական է միայն մի պարագայում, եթե կարդաք դրանք: Գրքերը չեն կարող օգուտ տալ պահարանում մնալով:
Շախմատային գրքեր կարդալը ենթադրում է` կարդալ դրանք, մտածել առաջադրված մտքերի մասին, վերլուծել ներկայացված դիքերը խաղատախտակի վրա: Շատերը միայն կարդում են դրանք, առանց ուսումնասիրելու դրանք` անտեսելով դիագրամներն ու նշումները: Պետք է կարողանաք այնպես անել, որ
այդ գրքերը դրական արդյունք տան Ձեր ուսումնասիրություններին:
3. Անհանգստանալ ավելի շատ միավորների, քան հենց խաղի մասին
Որոշ շախմատիստներ ավելի շատ անհանգստանում են վարկանիշային միավորներ կորցնելու , քան հենց խաղի համար: Այդ միավորները Ձեզ տրվում են որպես ուժի գնահատական: Այն չպետք է խանգարի ` հատկապես խաղի ժամանակ:
2. «Ես միշտ իրավացի եմ» մոտեցումը
Հիշե՛ք, որ այս մոտեցումը Ձեզ հեռու կվանի հաջողությունից և աստիճանաբար կնվազեցնի այն: Հաջողության հասնելու համար անհրաժեշտ է լինել ինքնաքննադատ և ընդունել սեփական սխալները: Եթե պարտվել եք խաղը՝ վատ խաղացած սկզբնախաղի պատճառով, Դուք պետք է վերլուծեք այն և անեք
համապատասխան ուղղումներ: Եթե պարտվել եք այլ պատճառով, պետք է աշխատեք այդ բացը լրացնելու վրա. այն հավանաբար շախմատում Ձեր թույլ կողմն է:
1. Շախմատն ընդունել որպես մասնգիտական կարիերա
Աշխարհում կան 1300 գրոսմայստեր, որոնց վարկանիշային միավորները տատանվում են 2500-2800: Նրանք համարվում են պրոֆեսիոնալ շախմատիստներ, ովքեր իրենց հացը վաստակում են հենց շախմատ խաղալով: Pogonina.com կայքում հրատարակված 2012-ի ամենաշատ վաստակող
շախմատիստների ցանկից պարզ է դառնում, որ նրանցից միայն 2-3 շախմատիստն է վաստակել ավելի քան $1,000,000 2012 թ.-ին: 10-րդ շախմատիստը վաստակել է մոտ $150,000 նույն տարում:
Միայն մտածեք, որ այդ 10-րդ շախմատիստը ունի ELO-ի 2730 ցուցանիշ: Ի՞նչ եք կարծում` ինչքա՞ն են վաստակում այն շախմատիստները, ովքեր ունեն 2500-2600 միավոր:
Շատ հեշտ է թվում, եթե Դուք գտնվում եք աշխարհի ամենաուժեղ 100 շախմատիստների ցանկում: Սակայն, այնքան էլ հեշտ չէ արժանի ապրուստ վաստակել շախմատ խաղալով, հատկապես որ լուրջ առաջնույթունների մասնակցույթան վճարները հասանելի են միայն ամենաուժեղ գրոսմայստերներին: