Ցուգցվանգ. ինչպե՞ս կիրառել այն միջնախաղում
Ցուգցվանգ. ինչպե՞ս կիրառել այն միջնախաղում
Այսօր մենք կխոսենք մի հասկացության մասին, որն անկախ վարկանիշային միավորից և ուժից, գիտեն բոլոր շախմատիստները. ցուգցվանգ: Ցուգցվանգը վերաբերում է այն իրավիճակին, երբ մրցակիցներից մեկը ցանկանում է քայլ չանել և փոխանցում է քայլը իր հակառակրոդին: Բանն այն է, որ եթե նա ստիպված քայլ անի, դիրքն էլ ավելի կվատթարանա կամ նա անմիջապես կպարտվի խաղը:
Առավել հաճախ կարելի է բախվել ցուգցվանգ դիրքի վերջնախաղերում: Զինվորային վերջնախաղային իրավիճակներն ամենից հայտնիներն են: Օրինակ, ստորև բերված դիագրամը հավանաբար ծանոթ է յուրաքանչյուր շախմատիստի:
Այստեղ, որ կողմը խաղա, հաղթանակ կունենա: Օրինակ, եթե սպիտակների հերթն է, նրանք պարզապես կբերեն արքան դեպի f6 և 1… Աd4 քայլից հետո, պաշտպանելով իր զինվորին, 2. Աf5 և կհաղթի խաղը: Նույն լուծումը կլինի, եթե ներկայացված դիրքում սևերի հերթը լինի քայլ անելու: Բերված օրինակում մենք գործ ունենք երկկողմանի ցուգցվանգի հետ (ով էլ քայլ անի, կհայտնվի ցուգցվանգի մեջ):
Շատ հայտնի կոմպոզիցիաներ, ինչպիսիք են վերջնախաղերի ուսուցումները և մատային խնդիրները, նույնպես հիմնված են ցուգցվանգի վրա: Նախքան առաջ գնալը, փորձե՛ք լուծել հետևյալ մատային խնդիրը:
Խաղում են սպիտակները և մատ 2 քայլից
Այս խնդիրը կազմվել է 1937թ.-ին, որի նպատակն է սևերին ցուգցվանգ դիրքի դրդելը: Առաջին քայլը 1. Աh8! Եթե սևերը տեղափոխեն ձին c5 դաշտից, 2. Ձe6#, և , եթե նա քայլ անի e7 դաշտից, նրան մատ կհայտարարվի g6 դաշտում:
Չնայած, որ ցուգցվանգն հիմնականում կիրառվում է վերջնախաղերում, այն կարող է վախենալու զենք լինել նաև միջնախաղերում: Ցուգցվանգն այսօրվա մեր նյութի թեման է, և մենք կցուցադրենք մի քանի օրինակ, որտեղ մրցակիցներից մեկը բախվում է ցուգցվանգ դիրքի խաղի այս փուլում:
Կսկսենք շատ հայտնի օրինակից, որտեղ Նիմցովիչը դառնում է Ալյոխինի մի շատ գեղեցիկ գլուխգործոցի զոհը: Ֆրանսիական Պաշտպանության ժամանակ սևերը տարվում են իրենց վատ փղի փոխանակման մտքով և լքում են պայքարը տարածքի համար: Սպիտակներն օգտվում են հնարավորությունից և սևերին դնում անելանելի իրավիճակում:
Նայե՛ք, թե ինչպես են սպիտակներն աստիճանաբար բարելավում իրենց դիրքերը, մինչ սևերն ամբողջությամբ կապված են և վերջապես հայտնվում են ցուգցվանգում և ստիպված վայր դնում խաղաքարերը: Տեսե՛ք, թե ինչպիսին է վերջնական դիրքը`
Խաղում են սևերը
Ներկայացված դիագրամում սևերի քայլն է, սակայն նա պարզապես չունի ոչ մի քայլ. c6 ձին կապված է, e7 ձին և c8 նավակը նույնպես կապված են` պաշտպանելու c6 ձիուն, մինչ c7 նավակը տարածք չունի խաղալու: Եվ, վերջապես, եթե նա խաղա 32…Աe8 կամ 32… Թe8, c7 նավակը այլևս պաշտպանված չի լինի, և սպիտակները խաղաքար կշահեն` խաղալով 33. b5: Տպավորիչ ելույթ աշխարհի նախկին չեմպիոնի կողմից:
Ալյոխին, Ալեքսանդր-Նիմցովիչ, Արոն
Սան Ռեմո 1930 1-0
Հաջորդ խաղը հարձակման լավ օրինակ է, որտեղ Նիմցովիչը, արդեն խաղալով հաղթող կողմում, դրդում է սպիտակների խաղաքարերին պասիվ դիրքի` առաջ մղելով իր զինվորներն ու ձեռք բերելով ավելի շատ տարածք: Սպիտակներն հայտնվում են ցուգցվանգում 25 քայլից հետո և վերջնական դիրքին պարզապես դժվար է հավատալ`
Սպիտակները հանձնվեցին այս դիրքում, քանի որ ցանկացած քայլին նյութական կորուստ կունենային. ձին, g2 դաշտի փիղը և g1 դաշտի նավակը ապահով հանգրվան չունեն, d2 դաշտի փիղը չի կարող շարժվել, քանի որ ձին կհայտնվի անպաշտպան դիրքում, e1 դաշտի նավակը պաշտպանում է Նe2-ի դեմ (թակարդ թագուհու դեմ) և Աh2 հնարավոր չէ Ն5f3-ի պատճառով:
Զեմիշ, Ֆրից –Նիմցովիչ, Արոն
Կոպենհագեն 1923 0-1
Հուսով ենք, որ այս նյութը դրական անդրադարձ կունենա ձեր հետագա խաղերի վրա և դուք հաջողությամբ կկիրառեք ցուգցվանգը, երբ որ հնարավորություն ընձեռնվի:
